We nowo wózjawjonem 6. źěłowem łopjenju Serbskegi instituta zaběrajotej se awtora Lutz Laschewski a Jenny Hagemannowa detalěrowany ze statistikami dolnoserbskeje wucby.
1791 wuknicow a wuknikow jo było w serbskej wucbje w šulskem lěśe '22/23. To jo 6,6 procentow wšyknych wuknjecych w serbskem sedleńskem rumje. Serbska wucba dojśpijo how jano 30 procentow zakładnych šulow. Wjele mjenjej w dalej wjeźecych. Až jaden wuknik serbsku wucbu ma wót zakładneje šule až do wobzamknjenja, to wupokažo se w statistikach napšawdu ako wuzweśe. Wušej 80 procentow wuknikow, ako raz z wucbu zachopijo, ju jěsnjej skóńcyjo. Zewšym wuslěžony njejo, cogodla wukniki ze Serbšćinu zasej wopśestanu.
Kaki facit awtora z togo śěgnjotej? Wónej njamóžotej suźiś wó kwaliśe Serbšćiny w Bramborskej. Feluju jadnorje wažne daty. Ale jasnje gronitej, až šula sama njebuźo wjasć k rewitalizaciji rěcy. Naraźenja a perspektiwy su wózjawjone w źěłowem łopjenju: "Sorbischer/Wendischer Sprachunterricht in Brandenburg". Namakajośo jen digitalnje a dermotnje na boku Serbskego instituta.