Wolfgang Bialas wót CDU jo nowy pśedsedaŕ měsćańskich wótposłańcow. 65-lětny jo se mógał pśesajźiś pśeśiwo AfD kandidatoju Detlefoju Krebsoju a Benjaminoju Hanschkego wót "Naš Chóśebuz/Unser Cottbus". Wolfgang Bialas jo južo wót lěta 2019 měsćański wótpósłańc a jo źěłał we wšakorakich wuběrkach.
Wšuźi ga we tych dnjach nowe kandidaty we konstituěrujucych pósejźenjach wuzwóliju. Srjodu su to gótowali how w měsće, ako teke we wokrejsu Sprjewja-Nysa. Teke w toś tom nowem wokrejsnem sejmje njejo se AfD kandidatoju raźił se pśesajźiś pśi wólbach: Daniel Münschke pótakem njejo nowy pśedsedaŕ. Wokrjesny sejm w Baršću jo wuzwólił ako swójogo pśedsedarja Torstena Schülera wót FDP. Teke ako zastupny pśedsedaŕ njejo mógał se Münschke pśesajźiś, nowy prědny zastupny pśedsedaŕ jo Fred Kaiser z Dešna wót CDU a drugi Mario Müller wót SPD. Pśedsedaŕ serbskego wuběrka we wokrejsu buźo wótpósłańc wót AfD, dokradne mě pak hyšći njewěmy.