Sociolog dr. Kristian Naglo wobźělijo swójskich pólnych slěźenjow dla se na lětosnej Europeaźe, na tom mejstaŕstwje europskich narodnych mjeńšynow w balokopanju. Mjazy drugim co se zaběraś z pšašanim, na kaki part se aktiwity we wólnem casu wustatkuju na rěc mjeńšynow a na identitu. Jo to projekt Serbskego instituta. Zachopiś co z analyzu socialnego swěta lokalnego towaristwa SJ Chrósćicy, ako teke cełego serbskego wubranego mustwa muskich a žeńskich na 5. Europeaźe. Kristian Naglo jo wuwucował a slěźił mjazy drugim na uniwersitach w Gießenje, Marburgu, na nimskej wušej šuli za sport w Kölnje a na katolskej wušej šuli w Mainzu.