Jaden "Serbski kosmos" dej nastaś tos ten tyźeń. Pód tym titelom pśepšosyju wuměłski kolektiv SINT, Dolnoserbska kulturna akademija a towaristwo Studnja na eksperiment. Žedno źiwadło, źož dejš sobu cyniś. Ale juž něco, źož sam aktiwnje wordowaś móžoš. Pódla budu serbske a nimske performery z muziku, reju, rěcu a wideo. Jadno temporarne městno, źož njedejš na kuždy pad z reality wuběgnuś, ale źož móžoš juž raz zastaś, pśemyslowaś, kak móžo naš a twój pśichod wuglědaś. Tak to wopisujo sobuiniciator a Zorjak, zukowy wuměłc a režiser Marian Küster. Komuž to hyšći pśe njekonkretnje jo - Wuzbadajśo jo sami. Městno maju hyšći za pětk 10. Pśizjawiś musyśo se. To źo pśez mail pód: post@sint.zone. A pón dostanjośo teke dokradnu adresu.