Sorbischer Pop auf Spotify und co. - "Nowa serbska muzika vol. 2"
Aktualnu dolnoserbsku muziku słyšyśo pśecej pla nas w Serbskem programje. Ale nic jano w radiju: "Nowa Serbska Muzika Vol. 2" jo drugi album, kenž jo wótněnta na streamingowych platformach online.
Ab Oktober gehen mit Nowa Serbska Muzika Vol. 2/Neue Sorbische Musik Vol. 2" weitere aktuelle Musikproduktionen des Sorbischen Programms auf diversen Streaming Plattformen online. Es ist das erste von vier geplanten Alben mit Eigenproduktionen des rbb.
Rozgrono z muzikowym redaktorom
Prědny online album "Nowa Serbska Muzika" smy w nalěśu wózjawili, něnto ten drugi. Cogodla jo tebje to tak wažne?
Gregor Kliem: No glědamy na to, kak młode luźe źinsa muziku recipěruju. To źo w głownem pśez streaming, online pśez smartfon a tak dalej. A rownocasnje, gaž woglědajomy se dolnoserbsku muzikowu scenu, pón zwěsćijomy: Skóro nic nowego nastawa. Žedna nowa band, žeden nowy pop projekt. To jo škóda ale realita. Jano my ze Serbskim programom z našymi produkcijami pšawidłownje nowu muziku wózjawijomy. Śim wažnjej, až jo to, což producěrujomy teke widobne, pśistupny. A tam jo streaming ebn ta droga.
17 titelow ma album. Słyšymy how něnto lisćinu twójich wósobinskich faworitow? Co sy z našych produkcijow wupytał?
Gregor Kliem: Se wě mě te spiwy spódobaju ale som juž na měšańcu źiwał. To jo zběrka nowšych spiwow, ako smy akle lětosa producěrowali. Na pśikład jo młoda pop spiwaŕka Clara Valeri pódla ze spiwom "Mysliš se", jaden song pśeśiwo mobbingoju, abo nowy rap titel "Se pada" wót Stefana Göbela alias STOI. Tam źo wó to, špatne mysli wótmyś w dešću, tak gronjone. A apropos dešć, to jo teke album, kótarež pasujo něnto do nazymskego casa. "Jano wětš", ten evergreen z Janu Altnickel, se how zarědujo, rowno tak ako "Pógrimowy kanon" wót Chóśebuskego źiśecego musicala.
Stakim muzika wšakich žanrow. A njejo jano muzika za jadno starstwo.
Gregor Kliem: Ja se wjaselim, gaž wósebnje młodostne na muziku słuchaju. Ale se wě teke źiśi a starše! Monika Klesec jo pódla z jadnym šlagrom a teke Matthias Kießling, kenž jo bóžko w oktobrje pśed dwěma lětoma zemrěł. Na njogo som kśěł teke spominaś.
Źo nowy album wšuźi namakajom?
Gregor Kliem: Na pśikład na Youtube, Spotify, Apple Music a Deezer. To groni, serbsku muziku móžośo sebje něnto wšuźi z wašym smartfonom sobu wześ, ducy, w awśe, a to nejlěpše: Kuždy cas!
rbb producent serbskeje muziki
Serbski program producěrujo kuždolětnje 10 do 12 titelow we wšakorakich žanrach wót pop, hip hop a klasik k šlagroju. Wót lěta 2021 nastawaju teke pšawidłownje muzikowe widea w kooperaciji z telewiznym magacinom "Łužyca".
Našu serbsku muziku móžośo na našych serbskich webbokach teke słuchaś, glědaś a wólodowaś:
Serbska muzika wót rbb
Telewizny magacin "Łužyca"
Erweiterung unserer digitalen Angebote
Für unseren Musikredakteur Gregor Kliem ein wichtiger Schritt: "Aktuelle Musik wird heute mehr denn je über Stream rezipiert, nicht nur von jungen Menschen. Es war längst überfällig, dass auch unsere sorbischen Produktionen so einer größeren Zielgruppe zugänglich gemacht werden. Damit wollen wir auch einen Impuls in die Lausitzer Musikszene geben".
Die Streaming Alben "Nowa Serbska Muzika" und "Nowa Serbska Muzika Vol. 2" werdenb veröffentlicht durch die rbb Media. Geplant ist auch in den darauffolgenden Jahren sorbische Musikproduktionen als Stream zu veröffentlichen.
rbb Eigenproduzent sorbischer Musik
Das Sorbische Programm des rbb produziert für sein Hörfunkangebot jedes Jahr 10 bis 12 Titel in verschiedenen Genres von Pop, Hip Hop bis Klassik und Schlager. Seit 2021 entstehen auch regelmäßig Musikvideos in Kooperation mit dem niedersorbischen/wendischen rbb Fernsehmagazin "Łužyca".
Unsere Eigenproduktionen sind auch auf unseren Webseiten als Audio/Video on demand und als Download verfügbar:
Unsere sorbische Musik
Sorbisches Fernsehmagazin "Łužyca"