Wót 14. oktobra 1948 dajo serbske wusćełanja w nimskem rozgłosu. Prědne dolnoserbske pśinoski su se wót lěta 1950 zgótowali a ze studija Pódstupim wusćełali. Dnja 22. měrca 1953 jo se pśi Statnem rozgłosowem komiteju DDR serbske studijo w Zgorjelcu załožyło. Wusćełanje z togo studija su byli až na mało pśinoskow skoro jano w górnoserbskej rěcy.
A ze zaprědka 70 minutow jo se tyźeński wusćełański cas na kóńcu lěta 1954 na 90 minutow rozšyrił, z nich jo było wót 1. apryla kuždu njeźelu 20 minutow w dolnoserbskej rěcy. Dnja 1. januara 1957 jo se pón załožyła Serbska redakcija pśi Radio DDR, sćelak Chóśebuz.

Wót 1. januara 1992 dajo dolnoserbske wusćełanja pśi Pódzajtšno-nimskem rozgłosu (ORB) – źinsa Rozgłos Barliń-Bramborska (rbb) – a górnoserbske radijowe wusćełanja ze studija w Budyšynje Srjejźno-nimskego rozgłosa (MDR).

Am 22. März 1953 wurde beim Staatlichen Rundfunkkomitee der DDR ein sorbisches Studio in Görlitz gegründet. Die Sendungen aus diesem Studio waren bis auf wenige Beiträge fast ausschließlich in obersorbisch.

Aus anfänglich 70 Minuten wurde die wöchentliche Sendezeit Ende 1954 auf 90 Minuten erweitert, davon waren seit 1. April 20 Minuten auf Niedersorbisch. Am 01. Januar 1957 gründete sich dann die Sorbische Redaktion bei Radio DDR, Sender Cottbus.

Seit dem 01. Januar 1992 gibt es niedersorbische/wendische Sendungen beim Ostdeutschen Rundfunk Brandenburg - heute Rundfunk Berlin-Brandenburg - und obersorbische Hörfunksendungen aus dem Studio Bautzen des Mitteldeutschen Rundfunks.