Pó skóro 40 lětach źěła w Serbskem muzeju jo šła kuratorka Martina Nowakojc na wuměńk. Jo wót wšogo zachopjeńka sobu muzej natwarjała. Wósebnje jo ze zaběrała ze serbskeju drastwu. Wó jeje žywjeńskej a pówołańskej droze jo se z njeju rozgranjała Marja Elikowska-Winklerowa.

Martina Nowakojc jo glucna, až jo wótrosła we wejsnej wokolinje a tak dostała wjele sobu ze serbskego burskego žywjenja. Bursku drastwu jo Martina Nowakojc ak źowćo hyšći wšedny źeń dožywiła. Ale teke serbsku rěc jo tam a zas zasłyšała. Až buźo raz teke to serbske studěrowaś, njejo se zaprědka mysliła. Studium sorabistiki a kulturnych wědomnosćow jo wótzamknuła z diplomom. Teke w pśichoźe jo mógała dalej hyś pó tej droze a sobu twóriś zakład za pódźejšy Serbski muzej.
Rozsuźeca cezura jo był domicil za Serbski muzej. Z tym jo wón dostał mócny rozmach a se pśecej dalej wuwijał. Sobuźełaśerje su kreatiwnje na profilu muzeja źěłali. Teke Martina Nowakojc.
W nowem casu su se formaty muzejow dopołnje pśiměrili modernym wupominanjam. Njeglědajucy na te jo Martina Nowakojc z wuwiśim muzeja a jogo statusom źinsa spokojom. Tak jo spusćiła Serbski muzej drje ze śěžkeju wutšobu, ale njetrjeba měś tšach wó jogo wobstaśe.

Nach fast 40 lětach Arbeit im Wendischen Museum in Cottbus ist Kuratorin Martina Noack nun im Ruhestand. Sie hat das Museum mit aufgebaut. Besonders intensiv hat sie sich mit der wendischen Tracht beschäftigt. Unsere Reporterin Maria Elikowska-Winkler kam mit ihr ins Gespräch, befragte sie zu Lebensweg und Arbeitsleben.