Beno Njekela 90 lět / Benno Nikolaides 90 Jahre

Wušej 75 lět dajo mjaztym serbsku muziku w rozgłosu. Gaž sćo se pšašali, wótkul wšykna ta muzika pśiźo – w tych prědnych lětach jo była jadna wósoba za to zagronita: Beno Njekela. Ten tyźeń sobotu (05.10.2024) by wordował Njekela 90 lět stary. A wón jo tema našeje rubriki Muzika tyźenja.
Beno Njekela, prědny muzikowy redaktor Serbskego rozgłosa, jo se naroźił 5. oktobra 1934 w górnołužyskem Kulowje. W českej Lipje a Varnsdorfje jo był na serbskem gymnaziju. Jo tam zeznał juž serbsku klasisku muziku Bjarnata Krawca. Muzikaliski zajm jo pak dostał drje do žłobika połožony. Juž nan a stary nan stej byłej serbskej gerca na jsy. Dalšne stacije su byli Serbska kulturna brigada w Budyšynje a muzikowy studium w Lipsku. A gaž se to tak woglědamy, pón rozmějomy, cogodla jo se mógał tak lažko pogibowaś mjazy ludowymi chorami, wejsnymi kupkami a wjelikimi orchestrami.

In Wittichenau wurde am 5. Oktober 1934 Benno Nikolaides geboren. Der Musiker, Komponist und Dirigent studierte an der Musikhochschule in Leipzig. Zwischen 1957 und 1983 war er Leiter der Musikredaktion bei Radio DDR/Sender Cottbus und Leiter des Musikarchivs, das zur Dokumentationsstätte sorbischer Musik aufgebaut wurde. 1957 übernahm er die Leitung des Chores und der Instrumentalgruppe des Kulturensembles der Sorbischen Oberschule Cottbus, war Mitgründer des Arbeitskreises sorbischer Musikschaffender. Benno Nikolaides verstarb am 11. Februar 1998 in Hoyerswerda. Ihm widmen wir unsere "Musik der Woche".