Quelle: rbb
Sorbische Live-Musik

Thema der Woche - Tema tyźenja

W tej rubrice pśedstajijomy Wam za jaden tyźeń wósebnu cejdejku, wósebnych wuměłcow/kow, literaturu abo wósebne temy. W našom wšednem wusćełanju muziku abo pśinoski k tomu grajomy.
In dieser Rubrik stellen wir besondere CDs, Künstlerinnen und Künstler, Literatur oder spezielle Themen vor. In unserem täglichen Programm präsentieren wir dann Musiktitel bzw. Wortbeiträge dazu.

Infos im www

Chor Dolnoserbskego gymnaziuma

20.05. - 16.05.2024
Źinsajšny měr na Dolnoserbskem gymnaziumje njamóžo wót togo wótmóliś, až buźo ten tyźeń wažny swěźeń! Njeměnimy abiturny bal abo tak, ten hyšći pśiźo. Pjerwjej raz jo nalětny koncert na rěźe. Młodostne pokazaju, co wšo mógu: stwórtk (23.05.) wjacor zeger 18.00 w awli gymnazija.

Der Chor des Niedersorbischen Gymnasiums

In dieser Woche gibt es ein wichtiges Fest im Niedersorbischen Gymnasium: am Donnerstag, 23. Mai, Abend 18.00 Uhr findet in der Aula des NSG ein Frühlingskonzert statt. Aus diesem Anlass stellen wir in unserer Musik der Woche Lieder mit dem Chor des Niedersorbischen Gymnasiums vor.

 

Muziku a literaturu słuchaś / Musik und Literatur nachhören

SNE - Sorbisches National-Ensemble Bautzen

How su Serby

Chto njesmějo felowaś na koncerśe? Jasnje, chor gymnazija. Jadnu probu ten tyźeń hyšći maju, smy napněte, co tenraz budu spiwaś. W našej muzice tyźenja pśinjasomy Wam nejpjerwjej raz te nejžlěpše hity chora Dolnoserbskego gymnazija. Tu mamy za Was rbb produkciju "How su Serby".

EDine der rbb Produktionen mit dem Chor des Niedersorbischen Gymnasiums ist der heutige Tiotel "How su Serby - Hier sind wir Sorben".

Download (mp3, 3 MB)
rbb

Zelena ljesćinka

W našej muzice tyźenja dajomy tym młodym głosam wót chora Dolnoserbskego gymnazija to jawišćo. Stwórtk, 23. maja, wustupiju w ramiku nalětnego koncerta w šuli. How smy Wam raz wupytali spiw staršeje wuknikojskeje generacije. 1990 jo nagrał chor nalětny spiw Jana Pawoła Nagela. Tegdy su se wudali wukniki samo do Budyšyna. Spiwaju "Zelena lješćinka".

Heute präsentieren wir einen Musiktitel der älteren Schülergeneration des Niedersorbischen Gymnasiums aus dem Jahr 1990. Der damalige Chor hatte den Titel "Zelena ljesćinka" in seinem Repertoire, ein Frühlingslied des sorbischen Komponisten Jan Paul Nagel.

Download (mp3, 1 MB)
Gregor Kliem

Naša seń

Naša rubrika stajijo tenraz tych młodych głosow chora Dolnoserbskego gymnazija do fokusa. W 2000ych lětach jo nastał ceły rěd modernych pop spiwow z chorom, kenž se kradu rozeznawaju wót klasiskego zuka chora, kenž my wacej znajomy a kenž teke witśe pśi nalětnem koncerśe zasej słyšaś buźomy. Wobej stila, lěc klasika abo pop, matej něco za se. How jo titel "Naša seń".

In den 2000er Jahren entstand eine ganze Serie von modernen Popliedern mit dem Chor des Niedersorbischen Gymnasiums, die sich sehr vom klassischen Ton des Chores unterscheiden, den wir sonst von diesem Chor kennen, u.a. der heutige Titel "Unser Traum".

Download (mp3, 3 MB)
Niedersorbisches Gymnasium

Narske wen do swěta

Źinsa wjacor buźo tak daloko, wukniki na Dolnoserbskem gymnaziumje pokažu, co wšo wuměju na instrumentach a we spiwanju. Nalětny koncert słuša k wjeraškam šulskego žywjenja. W šulskej awli zaklincy nalětna měšańca moderneje a klasiskeje muziki. Až jo teke serbski głos pódla, wó to stara se kužde lěto chor Dolnoserbskego gymnazija. Naša Bubakowa kolegowka Carolin Kühnojc spiwa sobu a nam chor pśedstajijo. K tomu zaznějo źinsa titel "Narske wen do swěta".

Heute ist es soweit: die Schülerinnen und Schüler des Niedersorbischen Gymnasiums zeigen ihr Können auf Instrumenten und beim Singen. Das Frühlingskonzert gehört zu den Höhepunkten im Schuljahr. In der Aula des NSG erklingt ein bunter Frühlingsmix aus moderner und klassischer Musik. Carolin Kühne, Schülerin des NSG, singt im Chor mit und stellt ihn vor. Dazu erklingt heute der Titel "Neugierig hinaus in die Welt".

Chor Dolnoserbskego gymnaziuma/Chor des Niedersorbischen Gymnasiums

Download (mp3, 3 MB)
rbb/Gregor Kliem

Na nas caka

Publikum jo był rozbuźony. Chor Dolnoserbskego gymnazija jo cora wustupił na nalětnem koncerśe we šuli pśed połneju žurlu. Wušej 150 gósći jo pśišło. Chor jo se pó casu korony zasej zmógnuł, a to jo było słyšaś. Stojali su teke solistki a solisty na jawišću. Wót klasiki, pop spiwanja a ukrainskeje folklory, wšo jo było pódla. Samo rejowali su. Jaden nowum: Jadna ceła sedyma rědownja jo wustupiła a spiwała swój spiw. Poł lěta jo z rědownju zwucowała muzikowa ceptaŕka Jennifer Dünnbierowa. W našej muzice tyźenja comy teke chor Dolnoserbskego gymnazija hyšći tšochu dalej chwaliś. How słyšymy jogo z pop produkciju "Na nas caka rědny cas".

Das Publikum war begeistert: der Chor des Niedersorbischen Gymnasium trat gestern beim traditionellen Frühlingskonzert des NSG auf. Mehr als 150 Gäste kamen, um den Chor und Solistinnen und Solisten zu bewundern. Heute spielen wir den Poptitel "Auf uns wartet eine tolle Zeit" mit dem Chor des Niedersorbnischen Gymnasiums.

Download (mp3, 3 MB)
Jasmin Schomber-Krause

Rejowacki

Ten tyźeń smy z Wami swěśili Chor Dolnoserbskego gymnazija. Ten njama něnto žeden wósebny jubilej. Ale ako smy stwórtk słyšali na nalětnem koncerśe w gymnaziju, jo se zasej bejnje zmógnuł. A to musymy teke groniś: Bźeze togo chora njeby mógli na šuli drje zewšym žeden koncert swěśiś. Skóro wšykne solistiske pśinoski su pśišli wót spiwaŕkow chora. A wón jo był teke jadnučki ansambel abo pśinosk, kenž jo był w serbskej rěcy. Wjednikoju Geraldoju Šejnoju jo serbski profil kradu wažny. A wón pśepšosyjo hyšći dalšnych zastupiś do chora. My słyšymy w našej muzice tyźenja znaty ludowy spiw "Kopachu, wórachu, ja w heli lažach".

Der Chor des Niedersorbischen Gymnasiums sucht noch weitere Sängerinnen und Sänger. Dem Chorleiter Gerald Schön ist das sorbische Profil des Chores sehr wichtig. Heute spielen wir den Titel "Rejowacki" mit dem Chor.

Download (mp3, 2 MB)

slědkglědanje/ Rückschau

In-Ear Kopfhörer steckt in einem Frauenohr (Bild: rbb/Lucia Hennerici)
rbb

- muziku słuchaś/ Musik nachhören

How móžośo słuchaś a wólodowaś "muziku tyźenja" slědnych mjasecow
"Musik der Woche" der letzten Monate anhören oder downloaden

Kontakt

Colourbox

Ihr Mail an uns - Waša mejlka na nas

kontakt:
rbb/Studio Cottbus
Sorbisches Programm
Berliner Straße 155
03046 Cottbus
Telefon: (0355) 14 39 171
Whatsapp: 0151 11808865
Telefax: (0355) 14 39 179
Mail: sorben@rbb-online.de