Quelle: rbb
Sorbische Live-Musik

Thema der Woche - Tema tyźenja

W tej rubrice pśedstajijomy Wam za jaden tyźeń wósebnu cejdejku, wósebnych wuměłcow/kow, literaturu abo wósebne temy. W našom wšednem wusćełanju muziku abo pśinoski k tomu grajomy.
In dieser Rubrik stellen wir besondere CDs, Künstlerinnen und Künstler, Literatur oder spezielle Themen vor. In unserem täglichen Programm präsentieren wir dann Musiktitel bzw. Wortbeiträge dazu.

Infos im www

EUROPEADA 2024

01.07. - 07.07.2024

Z dwěma balokopaŕskima mustwoma, muskecym a žeńskecym, wobźěliju se Serby na lětosnej Europeaźe, togo mejstaŕstwa narodnych mjeńšynow we balokopanju. Turněr wótmějo se w Nimskej a Dańskej wót 29. junija až do 7. julija. Jo to mamut nadawk za organizatorow: 33 mustwow z 13 krajow, 74 graśow, 14 městnow. Pśez livestream móžośo glědaś graśa.
K Europeaźe grajomy ten tyźeń serbske spiwy wó kopańcy. Pśinoski, rozpšawa, wobraze a naš kwiz k Europeaźe móžośo how słyšaś: Europeada w Serbskem programje rbb

Mit zwei Mannschaften - einer Frauen- und einer Männermannschaft - treten die Sorben/Wenden bei der diesjährigen Fußball EM der autochthonen nationalen Minderheiten Europeada an. Das Turnier findet vom 29. Juni bis 7. Juli im deutsch-dänischen Grenzland in Nord- und Südschleswig statt. Eine Mammut Aufgabe für die Organisatoren: 33 Mannschaften aus 13 Ländern, 74 Spiele an 14 Stätten. Zur Europeada spielen wir in dieser Woche sorbische Lieder zum Thema Fußball.
Europeada im Livestream

Muziku a literaturu słuchaś / Musik und Literatur nachhören

MARTIN ZIEMER

Nicole Simon - Našo mustwo dobynjo

Chto pišo pópšawem wšykne naše balokopaŕske spiwy, ako te dny Wam grajomy? Za Serbski program jo bźeze pśikłada nejwěcej spiwow zbasnił Werner Měškank ze Zaspowa. Žyłku za ten sport musy drje měś, lěcrownož njamóžomy rowno groniś, lěc jo něga aktiwnje balokopanje grał. Ale žyłku za spiwne teksty na kuždy pad ma. Źinsa ma Nicole Simon jasne žycenje: Našo mustwo dobydnje – zawěsće by mjaztym dejało byś Našej mustwje.

Download (mp3, 3 MB)
EUROPEADA

Clara Werden - Serbske balokoparje

Wěšćo, kótare gněśeńko lětosna Europeada ma? Dwa lawa stej pśecej pśi graśach pódla. Dwa lawa, ak žarźatej dańsku chórgoj – znamje dańskeje mjeńšyny w Nimskej. Tuchylu su pla Danow te muske dwa graśa dobyli a te dańske žeńske su te byli, ak su našim serbskim kopaŕkam na prědnem dnju ten start do turněra tak śěžko cynili. Ale žycymy teke jim wjele gluki - gaž źinsa dobydnu pśeśiwo Ladinaŕkam, pśidu naše žeńske teke dalej. A gluku dej pśinjasć teke našo mustowe gněśeńko - wót togo spiwa něnto Clara Werden.

Download (mp3, 2 MB)
Laszlo MIHALY

Veronika Rachel - Balla, balla, balla - Tak spiwa Łužyca

Wó wšakich aspektach Europeady smy źinsa južo powědali, ale něco tam lětosa felujo – jo, powědam wó oficialnem spiwje. Slědny raz w Kórutańskej jo dało teke jano krotki trailer. Lětosa take něco njejo. Pśi tom ga wěmy, kak mócnje móžo jaden dobry song luźi w sporśe zwězaś. A togodla grajomy ten spiw, ak lažy zawěsće hyšći wětšynje wót was we wušyma. Spiw "Balla, balla, balla" su producěrowali za Europeadu 2008. A jen mamy how w górnoserbskej wersiji. Tekst jo wót Bjarnata Cyža a spiwa Weronika Rachelic.

Download (mp3, 2 MB)
Domowina/Jörg Stephan

Katrin Lipske - Kopańca

Ceła Łužyca glěda napněta na dalšne wuwiśe EUROPEADY. Našej mustwje stojtej dalej na tšawnicy. Muske graju źinsa wótpołdnja zeger napoł styrich pśeśiwo Armanameam – Aromunam - w stadionje w nimskem měsće Niebüll. Toś to mustwo jo wobzwadne, jo grało w prědnem graśu wjelgin njefairnje a jo stojał krotko pśed diskwalifikaciju. Comy se naźejaś, až źarže se na jim stajone napołožki. Wšym jo pósćony naš źinsajšny spiw. Katrin Lipske spiwa pó teksće Wernera Meškanka wó nejrědnjejšem sporśe na swěśe.

Download (mp3, 2 MB)
Serbske koparje

Daniel Curve, Rob Sherman - Ty Łužyca, Dolna

Žeden drugi titel jo tak zwězany z našym dolnoserbskim mustwom ako naš źinsajšny spiw. Producěrowany w pśigótach na slědnu Europeadu, źož su Dolnoserby prědny raz z Górnoserbami pśi tom ewenśe zgromadnje grali. Mjaztym jo, to móžomy juž groniś, Łužyca teke pśez toś ten sport tšochu wěcej gromadu rosła.

Download (mp3, 2 MB)
Jasmin Schomber-Krause

Balokopanje

Se naźejamy, až sćo Wy měli tak ako my jaden sportojski tyźeń. Wšykne naše rozpšawjenja wó lětosnej Europeaźe namakajośo teke w našej app rbb serbski a na našom Europeada webboku. Serbske balokopaŕske spiwy smy wam ten tyźeń w našej muzice tyźenja pśedstajili. A za pśiducu Europeadu, to zapišomy se ako Serbski program za wušyma, dajo teke spiw za naše žeńske. Te su w tej zestawje prědny raz a tak derje pokazali, co wuměju! How mamy hyšći jaden spiw za Was - Heiko Walter to jo.

Download (mp3, 3 MB)

slědkglědanje/ Rückschau

In-Ear Kopfhörer steckt in einem Frauenohr (Bild: rbb/Lucia Hennerici)
rbb

- muziku słuchaś/ Musik nachhören

How móžośo słuchaś a wólodowaś "muziku tyźenja" slědnych mjasecow
"Musik der Woche" der letzten Monate anhören oder downloaden

Kontakt

Colourbox

Ihr Mail an uns - Waša mejlka na nas

kontakt:
rbb/Studio Cottbus
Sorbisches Programm
Berliner Straße 155
03046 Cottbus
Telefon: (0355) 14 39 171
Whatsapp: 0151 11808865
Telefax: (0355) 14 39 179
Mail: sorben@rbb-online.de