Masopust gronje fašingoju w Českej. Teke gaž njejo wón tak sławny ako na pśikład karnewal w Köln, maju tam někotare fasciněrujuce lokalne tradicije. Fašingowy pśeśěg we Vortová na pódzajtšu Českeje słuša na pś. wót 2010 do imaterielnego kulturnego derbstwa UNESCO. Až ma fašing abo karnewal pśewšo wjeliki wuznam za cłowjesku kulturu, pokazujo se južo na tom, až ceły rěd wuměłskich twóŕbow tematizěrujo te tradicije.
Česka folkowa band Klíč jo se tomu tšojenju pśiwobrośiła a producěrowała ceły album pód titelom "Karneval Canzonett". We jadnej późiwanja gódnje bogatej na wobrazach rěcy mólujo se scenerija, kótaraž dowolijo pśisłucharjeju dožywiś toś ten swěźeń. W spiwach jawje se figury, spomina se na mytose, kótarež rozměju toś tu chowanku ako prastare cłowjeske zaźaržanje. Tekst se skóńcyjo ze słowami: Ty mě njamaš, ja njejsom tebje dostał.
Masopust heißt der Fasching in Tschechien. Auch wenn er nicht so berühmt ist wie etwa der Kölner Karneval, gibt es doch einige faszinierende lokale Traditionen. Der Faschingsumzug in ostböhmischen Vortová gehört z.B. seit 2010 zum immateriellen Kulturerbe der UNESCO. Dass der Fasching bzw. der Karneval eine außerordentliche Bedeutung für die menschliche Kultur haben zeigt sich schon daran, dass eine Vielzahl von Kunstwerken dieses Brauchtum thematisieren.
Die tschechische Folkband Klíč widmete dem Ereignis ein ganzes Musikalbum mit dem Titel "Karneval Canzonett". In einer bemerkenswert bildreichen Sprache wird eine Szenerie gezeichnet, die den Hörer das Fest nachvollziehen lässt. Figuren tauchen auf, Mythen werden angedeutet die das Versteckspiel als uraltes menschliches Verhalten begreifen. Der Text schließt mit den Worten: Du hast mich nicht, ich habe dich nicht bekommen.
