Sorbisches Adventskonzert des rbb: "nAund Liveband" (Quelle: rbb/M. Bulang)
serbska muzika live/Sorbische Musik live

Musik der Woche - Muzika tyźenja

W tej rubrice pśedstajamy muziku k specielnym temam, wósebnych wuměłcow/ki abo literaturu. W našom wšednem wusćełanju muziku a pśinoski k tomu grajomy.
In dieser Rubrik stellen wir Musiktitel zu speziellen Themen, Künstlerinnen und Künstler und Literatur vor.

informacije we www

muzika tyźenja: 16.12. - 22.12.2024

Serbski spiwaŕ Juro Gera / Der sorbische Sänger Jürgen Gehre

Serbski spiwaŕ Juro Gera swěśi njeźelu swój 80. burstak. My comy narodninarja cesćiś w našej rubrice "muzika tyźenja". Juro Gera jo wěcej razow stojał pśed mikrofonom a producěrował za serbske radijo šlagry. Někotare comy ten tyźeń pśedstajiś.

Der sorbische Sänger Jürgen Gehre feiert am Sonntag seinen 80. Geburtstag. Wir wollen den Jubilar in unserer Rubrik "Musik der Woche" ehren. Er stand viele Male vor dem Mikrofon und produzierte für den Sorbischen Rundfunk Schlager. Einige stellen wir in dieser Woche vor.

Christian Matthée

Kusk domownje

Juro Gera jo był wjednik Dolnoserbskego gymnazija, dłujkolětny ceptaŕ a nadalej jo aktiwny Serb w swójej domowinskej kupce w Žylowje. Wó jogo žywjenju a zwězanosću ze "swójeju šulu", ako wón sam groni, móžośo zgóniś wjele zajmnego w aktualnem wudaśu nowego formata "Łužyca w rozgronje", w interneśe na boce telewiznego magacina "Łužyca".
Juro Gera jo wěcej razow stojał pśed mikrofonom a producěrował za serbske radijo šlagry. Tema zwězanosć z domownju stoj cesto we fokusu. Tak teke we spiwje wót komponista Dietmara Kreisla a tekstarja Wernera Měškanka.

Download (mp3, 3 MB)
Chor "Łužyca"

Lubka leluja

Spiwanje źaržy fit a wjasoły. Teke gaž wordujoš 80 lět stary, kaž naš spiwaŕ tyźenja. Juro Gera ze Žylowa spiwa juž cełe žywjenje dłujko. Pjerwjej w šulskem chorje teje šule, na kótarejž sam jo pózdźej dłujko ceptarił a kótarejž jo zastojał ako wjednik – Dolnoserbski gymnazium. Ale teke w žylojskem chorje spiwa hejgen tak ako w chorje Łužyca. My comy Jura Geru tšochu swěśiś w našej rubrice Muzika tyźenja. Ga tu njeźelu wón burstak ma. How słyšyśo Geru ako solista z jadnym tych nejrědnjejšych serbskich arijow, nagrawany z chorom Łužyca: "Lubka leluja".

Erik Schiesko

Pójź ze mnu se wuchójźowat

Juro Gera glěda slědk na 80 žywjeńskich lět. A te su byli teke kradu muzikaliske. Familija jo pśecej južo muzikaliska była. Jogo starki jo grał na akordeonje, rowno tak nan. Gera se dopomnjejo na te casy, ako jo nan z instrumentom głosnje a wjasoły pśez wjas camprował. Juro Gera jo dostał ako gólc gitaru. Kak jo wuknuł na gitarje graś, to jo tšojenje za sebje. Wóno słyšyśo něnto njeźelu we wó ebnem portreju wó njom w Serbskem programje. Jano tak wjele – to tšojenje ma teke něco ze źowćami cyniś. How słyšyśo Geru ze šlagrom, wón gromaźe z Isoldu Natušoweju spiwa ariju na rědnu błośańsku krajinu.

Download (mp3, 2 MB)
Gregor Kliem

Do jsy słušaju konje

Nagranjamy tšochu staryšych pśisłucharjow: Mysliśo casy teke na te "stare casy"? Maśo tam dobre abo skerjej špatne dopomnjeśa? Se naźejamy, až to prědne pśitrefijo. Gaž tak pśisłuchaš něgajšnemu wjednikoju Dolnoserbskego gymnazija Juroju Gery, pón su to zawěsće byli zajmne a druge case w 50tych a 60tych lětach na tegdešnej Serbskej rozšyrjonej wušej šuli, ako Gera sam wulicujo: o-zuk Juro Gera

Download (mp3, 3 MB)
Niedersorbisches Gymnasium

Rědne źowčko

Njeźelu wordujo něgajšny ceptaŕ Juro Gera 80 lět stary. Pśed wušej 30 lětami pó pśewrośe jo wjadł něgajšnu Serbsku rozšyrjonu wušu šulu do nowego towarišnostnego systema. Až jo šula pó 1990 dostała napśikład nowotwaŕ, jo teke jogo zasłužba:
Juro Gera k pśewrotoju w šuli 1990
Ale tak lažko to njejo wšo było. Rowno což nastupa serbsku rěc w šuli žywu źaržaś. Jaden tema, kótaryž nas až do źinsajšnego casa zabjerjo. Wěcej wó tom napnětem casu na Serbskem gymnaziju słyšyśo njeźelu pla nas w Serbskem programje. Juro Gera zaspiwajo how šlager Horsta Kaschubego: "Rědne źowčko".

rbb

Gósćina we Błotach

Juro Gera jo źins 80 lět, jomu wěnujomy našu muziku tyźenja. Smy ten tyźeń dalšnu facetu jogo žywjenja pokazali: to spiwanje. Zgromadnje z Isoldu Natušowu jo zaspiwał Gera w 90tych lětach toś ten klasikaŕ: Gósćina w Błotach, pó teksće Rože Šenkarjoweje.

Download (mp3, 3 MB)

slědkglědanje/ Rückschau

In-Ear Kopfhörer steckt in einem Frauenohr (Bild: rbb/Lucia Hennerici)
rbb

- muziku słuchaś/ Musik nachhören

How móžośo słuchaś a wólodowaś "muziku tyźenja" slědnych mjasecow
"Musik der Woche" der letzten Monate anhören oder downloaden

Kontakt

Colourbox

Ihr Mail an uns - Waša mejlka na nas

kontakt:
rbb/Studio Cottbus
Sorbisches Programm
Berliner Straße 155
03046 Cottbus
Telefon: (0355) 14 39 171
Whatsapp: 0151 11808865
Telefax: (0355) 14 39 179
Mail: sorben@rbb-online.de