Quelle: rbb
Sorbische Live-Musik

Thema der Woche - Tema tyźenja

W tej rubrice pśedstajijomy Wam za jaden tyźeń wósebnu cejdejku, wósebnych wuměłcow/kow, literaturu abo wósebne temy. W našom wšednem wusćełanju muziku abo pśinoski k tomu grajomy.
In dieser Rubrik stellen wir besondere CDs, Künstlerinnen und Künstler, Literatur oder spezielle Themen vor. In unserem täglichen Programm präsentieren wir dann Musiktitel bzw. Wortbeiträge dazu.

informacije we www

muzika tyźenja: 02.09. - 08.09.2024

Rejowański Dom Serbska Reja / Serbska Reja - ein sorbisches Tanzhaus

Lěśe a prozniny su mimo. Nic jano šula jo se zasej zachopiła ale teke wšake kulturne aktiwity. A teke kupka Serbska reja pśepšosyjo zasej źinsa wjacor na rejowański wjacor. To jo za nas góźba, aby ten tyźeń wam zagrali we rěźe Naša muzika tyźenja kuse w interpretaciji teje kupki. Kuždy mjasec raz pónjeźele šwyrnu se tam rejowarje k live muzice na parket.
Łužyski rejowański dom jo zmakanišćo za wšych, ak rad rejuju. Pśi tom mógu nałožowaś serbsku rěc a na zmakanja se młoga woblaco serbsku drastwu. Gerce kupki Serbska reja graju na wšakich, teke tradicionelnych instrumentach. Njekśě pak gótowaś muzealnu muziku, ale nawězuju na kórjenje serbskeje muziki a ju prezentěruju we žywej formje, ako pišu na jich internetowem boce.

Die Gruppe Serbska Reja bitte ab heute Abend wieder zum montäglichen Tanzabend: in den Klub Scandale am Bunten Bahnhof in Cottbus. Passend dazu stellen wir in dieser Woche jeden Tag einen Titel mit der Gruppe vor.

 

rbb/Gregor Kliem

Ty sy taka wijkotata / Pśestań

Źinsa słyšyśo instrumentalny kus w interpretaciji teje band: "Ty sy taka wikotata". Jo to šyroko znaty ludowy spiw, ku kótaremuž dajo se derje rejowaś.

 

Sorb. National-Ensemble

Glědajuca

Cora jo kupka Serbska reja zasej pśepšosyła na reje do Łužyskego rejowańskego domu. Dla togo grajomy ten tyźeń muziki teje kupki, kótaraž wobstoj mjaztym južo 10 lět a jo sebje dobyła wjeliku popularitu. Serbska reja jo se lětosa we juliju prezentěrowała na mjazynarodnem zarědowanju, jo wustupiła na Ethno Port festiwalu w Poznanju, jadnom z 25 nejlěpšych World Music muzikowych festiwalow swěta. Lětosa jo była tak tam słyšaś teke tradicionalna serbska rejowańska muzika wót band Serbska reja.
Źinsa zagrajomy wam znaty ludowy spiw "Naša Anka źinsa doma njejo" w jeje interpretaciji.

 

rbb

Ty mě wěc lubo namaš

Band Serbska reja jo lětosa swěśiła 10-lětny jubilej wobstaśa. Wóna jo derje znata rowno tak we Górnej ako we Dolnej Łužycy. Wobstoj ze šesć gercow, a wóni su we wšych rogach doma, w Górnej, Dolnej Łužycy, we Lipsku a hynźi. Rejowański pórik: Theresa Jacobsowa a Georgi Marinov rozpokazujo reje na rejowańskich wjacorach. Pśi muzicěrowanju wužywaju wšake instrumenty: gitaru, akordeon, cello, flejty, ale teke tradicionelne ako serbske fidle abo nikelowu harpu. Wětšy źěl repertoire su instrumentalne kuse. Źinsa słyšyśo spiw "Ty mě wěc lubo njamaš". Jo to jano jadna štucka. Jan Arnošt Smoler ma jen zapisany we źělu rejowańskich melodijow. W teksće spiwaŕ lubkujo ze swójim źowćom. Źinsa spiwa Gregor Kliem z pśewódom Serbskeje reje.

 

rbb

Schylila jo se jarobinka

Band Serbska reja muzicěrujo na wšakich swěźenjach a zarědowanjach a na rejowańskich wjacorach raz wob mjasec w měsće w Rejowańskem domje. Pśi tom rozpokazuju, kak se jadna abo druga reja rejujo. Serbska reja zepěra se na tradicionalne muzikalne derbstwo Serbow a interpretěrujo jo na swóju wašnju. Słyšyśo how instrumentalny kus "Schyliła jo se jarobinka". Jo to tužny lubosćinski spiw. Pód tym titulom nadejźomy jen we Smolerjowej zběrce Pěsnicki górnych a dolnych Serbow we dwěma wersijoma. Jaden jo ze Zdźar w Górnej Łužycy.

 

rbb

Wjelk a sedym kóletkow

Lětosa jo tomu 10 lět, ak jo kupka nastała. W tom casu su sebje gerce naźěłali bejny repertoire. Su wudali cd, na kótarejž pśedstajaju melodije zajźonych tśista lět, kótarež póchadaju z Łužyce. Žedne su teke źinsa znate ako ludowe spiwy, druge góźe se k rejam. Serbska reja pśedstaja melodije w nowej interpretaciji. Muzika góźi se za rejowańske zaarědowanja abo źěłaŕnicki. Serbska reja wustupujo na kulturnych zarědowanjach, festiwalach abo wejsnych swěźenjach. Ale teke za źiśi su něco zgótowili. 2019 jo Rěcny centrum WITAJ wudał z Ludowym nakładnistwom Domowina knigły pód titelom "Cerwjenjawka a druge bajki". Zapśěgnjone su spiwy, kótarež jo z drugich słowjańskich rěcow pśełožył do dolnoserbšćiny Fabian Kaulfürst. Wón te spiwy jo teke naspiwał na pśidanej cd, z pśewódom band Serbska reja. Źinsa zagrajomy štucku "Wjelk a sedym kózletkow".

 

rbb

Stoj ta lipa

Jan Arnošt Smoler jo w lětach 1841-1843 wudał zgromadnje z Janom Hauptom wobšyrnu zběrku serbskich ludowych spiwow z Górneje a Dolneje Łužyce. Melodije a teksty su zběrali teke žedne fararje, ceptarje a druge. K tym słuša teke ludowa arija "Stoj ta lipa".
Smoler ma zapisanu wersiju z Njabóžkojc. Spiw jo teke źinsa znaty. Spiwa se we spiwnych kupkach, solo abo w chorach. Źinsa słyšyśo instrumentalnu wersiju w interpretaciji band Serbska reja, ale z wósebnym głosom melodije. Na tereminje grajo Calorina Eyckojc.
Wóna słuša k wjeducym interpretam na tereminje. Ze 16 lětami jo sebje wuźěłała swójsku preciznu techniku graśa na tereminje a jo k tomu wózjawiła knigły "Kumšt graśa na tereminje". Jeje technika wužywa se pó cełem swěśe a jo rewolucionizěrowała wašnju graśa.

 

slědkglědanje/ Rückschau

In-Ear Kopfhörer steckt in einem Frauenohr (Bild: rbb/Lucia Hennerici)
rbb

- muziku słuchaś/ Musik nachhören

How móžośo słuchaś a wólodowaś "muziku tyźenja" slědnych mjasecow
"Musik der Woche" der letzten Monate anhören oder downloaden

Kontakt

Colourbox

Ihr Mail an uns - Waša mejlka na nas

kontakt:
rbb/Studio Cottbus
Sorbisches Programm
Berliner Straße 155
03046 Cottbus
Telefon: (0355) 14 39 171
Whatsapp: 0151 11808865
Telefax: (0355) 14 39 179
Mail: sorben@rbb-online.de