Lěto 2024 jo lěto wólbow. Juž w juniju wuzwólijomy gmejnske a měsćańske rady a europejski parlament. W septembrje su wólby do krajnego sejma. Direktnje zwězane z tym su popšawem wólby za Radu za nastupnosći Serbow pśi krajnem sejmje. Ale Serbska rada njama dosć mócow toś te wólby lětosa w cesnem amśe organizěrowaś. Togodla wuzwólijomy ju nejskerjej akle w pśiducem lěśe a zasej z listami.
 
Teke Serbski sejm ma se pópšawem lětosa nowo wuzwóliś. Dokradny termin pak hyšći njejo znaty. How ako pśi Serbskej raźe jo problem wólaŕskego zapisa. Kuždy serbski wólaŕ ma se pśecej wótnowotki zapisaś daś do wólaŕskego zapisa. Za to pak dej se mócnje wabiś.
 
Europeada lětosa zasej buźo, kopańcowy turněr europejskich narodnych mjeńšynow, tenraz w pódpołnocy.
 
Swěśiś bźomy na kuždy pad w septembrje: W Hochozy buźo 14. septembra 19. Bramborski wejsny a žnjowny swěźeń. Dwa tyźenja za tym w Dešnje Superkokot.
 
A na jaden slědny jubilej móžomy južo pokazaś: Johann von Schadowitz změjo lětosa styristote narodniny. Von Schadowitz jo ta historiska paršona, ako jo była pśedłoga za serbsku mytisku póstawu Krabat. State źiwadło Chóśebuz planujo lětosa wjelike lěšojske źiwadło.
 
 

Das Jahr 2024 ist ein Jahr der Wahlen. Schon im Juni wählen wir Gemeinde- und Stadträte und das europäische Parlament. Im September sind Landtagswahlen. Direkt damit verbunden sind eigentlich die Wahlen zum Rat für sorbische/wendische Angelegenheiten beim brandenburgischen Landtag. Aber der Sorbenrat hat nicht genug Kräfte, um diese Wahlen dieses Jahr ehrenamtlich zu organisieren. Deshalb wählen wir ihn voraussichtlich erst nächstes Jahr per Briefwahl.
 
Auch der Serbski Sejm sollte eigentlich dieses Jahr neu gewählt werden. Ein genauer Termin ist noch nicht bekannt. Hier, wie beim Sorbenrat, ist das Problem das Wählerverzeichnis. Jeder sorbische Wähler muss sich immer wieder von neuem in das Wählerverzeichnis eintragen lassen. Dafür muss man viel werben.
 
Europeada ist dieses Jahr wieder, das Fußballturnier der europäischen nationalen Minderheiten, diesmal im Norden.
 
Feiern werden wir auf jeden Fall im September: In Drachhausen ist am 14. September das 19. Brandenburger Dorf- und Erntefest. Zwei Wochen später ist in Dissen Super-Hahnrupfen.
 
Und auf ein letztes Jubiläum wollen wir schon hinweisen: Johann von Schadowitz hat dieses Jahr 400. Geburtstag. Von Schadowitz ist die historische Person, die die Vorlage war für die sorbische Sagengestalt Krabat. Das Staatstheater Cottbus plant dieses Jahr ein großes Sommertheater.