-
Słowjański grod / Slawenburg Raddusch +++
Šwjelowa wustajeńca / Schwela Ausstellung +++
Muzikowy wideo nominacija / Nominierung Musikvideo
Słowjański grod / Slawenburg Raddusch
Pśichod Słowjańskego groda we Radušu jo njewěsty. Gmejna Wětošow co kostow dla grodowy kompleks wótedaś, kraj Bramborska a wokrejs pak njamatej zajm jen pśewześ. Něnto su se zachopili rozgrona z jadnym interesentom, kótaryž co tam zarědowaś słowjański kulturny a zmakański centrum. Prědne wuslědki jadnanjow deje se nanejjěsnjej we aprylu pśedstajiś měsćańskim wótpósłańcam.
Die Zukunft der Slawenburg in Raddusch ist ungewiss. Die Gemeinde Vetschau möchte die Anlage aus Kostengründen abgeben, das Land Brandenburg und der Landkreis sind aber an einer Übernahme nicht interessiert. Jetzt haben Gespräche mit einem Interessenten begonnen, der dort ein slawisches Kultur- und Begegnungszentrum einrichten will. Erste Ergebnisse der Verhandlungen sollen frühestens im April den Stadtverordneten vorgestellt werden.
+++
Šwjelowa wustajeńca / Schwela Ausstellung
Wustajeńca "Darjona wěda" k cesći Bogumiła Šwjele jo se zakóńcyła w Serbskem muzeju w měsće na Mjazynarodnem dnju mamineje rěcy, 21. februara. Jeje fokus jo był wusměrjony na žywjeńske wuźěło fararja a wědomnostnika, kótaryž jo južo tencas wójował z cełeju mócu za wuchowanje dolnoserbskeje rěcy. Pśi góźbje wustajeńce su muzejoju darili ze zawóstajeństwa ceły rěd wažnych eksponatow.
Die Ausstellung "Geschenktes Wissen" zu Ehren von Bogumił Šwjela im Wendischen Museum in Cottbus endete am internationalen Tag der Muttersprache am 21. Februar. Sie legte den Fokus auf das Lebenswerk des Pfarrers und Wissenschaftlers, der schon zu seiner Zeit mit ganzer Kraft für den Erhalt der niedersorbischen Sprache gekämpft hatte. Im Zuge der Ausstellung hat das Museum eine ganze Reihe bedeutender Schenkungen aus dem Nachlass erhalten.
+++
Muzikowy wideo nominacija / Nominierung Musikvideo
Serbski muzikowy wideo "To njejo kóńc" filmarjowu Erik a Clemens Šisko, kótaryž jo nastał z kooperacije z magacinom "Łužyca", jo se wuzwólił ze 112 zapódaśow mjazy slědnymi 20 muzikowymi wideo za wuběźowanje LAUT MUSIKVIDEOS GUCKEN filmowego zwězka Sakskeje. Wideo jo se wuzwólił mjazy drugim za publikumowe myto, kótarež jo se wótgłosowało na městnje. Za mytowanje njejo pak dosegało. Z nominěrowanim jo weto wordował šyroko znaty.
Das sorbische Musikvideo "To njejo kóńc | Das ist nicht das Ende" von den Filmemachern Erik und Clemens Schiesko, welches aus einer Kooperation mit dem Magazin "Łužyca" entstand, wurde aus 112 Einreichungen unter den letzten 20 Musikvideos für den Wettbewerb LAUT MUSIKVIDEOS GUCKEN vom Filmverband Sachsen ausgewählt. Das Video wurde unter anderem für den Publikumspreis, der vor Ort abgestimmt wurde, nominiert. Für eine Auszeichnung reichte es nicht. Reichweite hat es durch die Nominierung trotz alledem erhalten.
